|
|
|
||||||||||||
 |
 |
 |
||||||||||||
| 14:52:30 | Thursday, September 09, 2010 |
PÎTÎ LATÎNÎ
|
پيتي
ئيسلامي
|
ههواڵ
|
|
|
|
|
|
| 2004-11-06 |
|
|
| . | ||
|
كێ ئهزانێ له عیراق چهند كهس كوژراوه؟ كوژراوهكان كێن؟ كوشتن ههمو توێژ و چینهكانی كۆمهڵ و, ههمو لایهنه سیاسییهكانی گرتۆتهوه له ناو كوژراوهكان دا هاووڵاتی ئاسایی, زانای فیزیا و كیمیا, مامۆستای زانكۆ, مهلای سونی و شیعی, گهورهكاربهدهستی حكومهت, بهڵێندهر, شۆفێر, كرێكاری بێگانه, بهعسی, كورد, عهرهب, توركومان, كلدۆئاسوری, مهندائی... تێدایه. بكوژهكان كێن؟ هێشتا له عیراق دا داوودهزگاكانی پۆلیس و ئاسایش و داد به تهواوی دانهمهزراون و, نهكهوتونهته سهر بهجێهێنانی ئهركهكانیان, نهێنییهكانی زۆر روداو به ههڵنههێنراوی ماوهتهوه. له پاشهرۆژدا رهنگه ههندێكی بدۆزرێتهوه بهڵام رهنگه ههندێكی به تهواوی ون ببێ و, شوێنهواری نهمێنێ. ئهوهی ئیستا ئهوترێ و لێرهدا ئهنوسرێ زۆری بیستن و لێكدانهوهیه, نهك ئهنجامی لێكۆڵینهوهی رهسمی. ههڵسهنگاندنی روداوهكان و شیكردنهوهی یهكه یهكهی كارهكان, دهری ئهخهن بكوژهكان یهكێك و یهك لایهن نین. كهس و لایهنی جۆراوجۆرن. زۆر جار هیچ لایهنێ خۆی ناكا به ههڵگری باری لێپرسراوێتی كوشتنهكه, بكوژ نهناسراوه, ئهبێ به جۆری كارهكه و شێوهی كارهكه و هۆی كارهكهدا بناسرێتهوه. بهم پێیه بكوژهكانی كه ئیستا له عیراق دا خهڵك ئهكوژن, ئهمانه ههندێكیانن: 1. جهماعهتی تهوحید و جیهاد, كه به جهماعهتی زهرقاوی ناسراون, خۆیان ئۆباڵی كوشتنی ههندێ له قوربانییهكانیان گرتۆته ئهستۆ, لهوانه: كوشتنی محهمهد باقیر حهكیم, سهرۆكی مهجلیسی ئهعلای سهورهی ئیسلامی. عیزهدین سهلیم, سهرۆكی نۆرهیی مهجلیسی حوكم. ئوسامه كهشموله, پارێزگاری موسل... له پاڵ ئهوهدا ئۆباڵی زۆر له "رهشهكوژی" یهكانیشیان گرتۆته ئهستۆ به تایبهتی لهو تهقینهوانهی كه به خۆكوژ و ئوتوموبیلی بۆمبدار دژی بنكهكانی پۆلیس و پاسهوانی نیشتمانی و فهرمانگهكانی حكومهت ئهنجامی ئهدهن. لهمهیان دا كهسایهتییهك به تایبهتی ههڵنابژێرن بۆ كوشتن بهڵكو كوێرانه خهڵك ئهكوژن. 2. پاشماوهكانی بهعس, بهعسییهكان خۆیان رێك خستۆتهوه. تاقمی كوشتنیان دروست كردوه. ئهو بهعسییانهی, بێ رهزامهندی و ئاگاداری ئهوان, كه هاوكاری له گهڵ دهسهڵاتی ئهمهریكی و حكومهتی عیراق ئهكهن ئهیانكوژن, لهوانه: عهقیله هاشمی ئهندامی مهجلیسی حوكم, بهڕێوهبهرێكی گشتی له وهزارهتی دهرهوه, بهڕێوهبهرێكی گشتی له وهزارهتی دیفاع, وهكیلی وهزیری ناوخۆ, سهرۆكی دیوانی چاودێری دارایی... 3. دهزگا موخابهراتییهكانی دهرهوه, زاناكان و مامۆستاكانی زانكۆ كه ئهكوژرێن, تاوانهكه ئهدرێته پاڵ ههندێ له دهزگاكانی موخابهراتی بێگانه به تایبهتی مۆسادی ئیسرائیلی. 4. تۆڵهی تهنیا و تۆڵهی رێكخراو بۆ رێگرتن لهم جۆره كارانه كه ئهبێ به هۆی قوڵكردنهوهی دوژمنایهتی و ناكۆكی و پشێوی و ترس له ناو كۆمهڵ دا, بهرزترین مهرجهعی شیعه له نهجهف, سهید عهلی سیستانی, له وهڵامی چهند پرسیارێك دا چهند وهڵامێكی نوسییهوه كه به فتوا ئهژمێردرێن و تا رادهیهك سنوری بۆ پهرهسهندنی دانا. دهربارهی بهڵگهكانی كهوتبونه دهس خهڵك و ناوی ژمارهیهكی زۆر له راپۆرتنوس و جاسوس و ئهوانهی بون به هۆی كوشتن و گرتن و ئازاردان و راونانهوه تێ دا ئاشكرا بو, داوا ئهكا له سهر ئهوه كهس سزا نهدرێ, له شار دهرنهكرێ, تهنانهت "تهشهیر" یان پێ نهكرێ بهڵكو بدرێنهوه به دهزگا دهسهڵاتدارهكان. بۆ ههمو به لادا خستنی ههمو كێشهكان داوا ئهكا چاوهڕێ بن تا دادگا دائهمهزرێ. |
||
|
|
||
|
||||