|
|
|
||||||||||||
 |
 |
 |
||||||||||||
| 23:42:11 | Tuesday, September 07, 2010 |
PÎTÎ LATÎNÎ
|
پيتي
ئيسلامي
|
ههواڵ
|
|
|
|
|
|
| 2004-11-17 |
|
|
| . | ||
|
"جهماعهتی تهوحید و جیهاد" ی جاران و دوای روخانی صهدام ماوهیهك كارێكی جهنگی ئهوتۆ دژی هێزی ئهمهریكی و هاوپهیمانهكانی نهقهوما. لێرهولهوێ ههندێ كاری جهنگی وهكو چاندنی مینێ یان بۆسهیهك له سهر رێگایهكی هاتوچۆ یان پێكادانێ كه به ههڵاتنی هێرشكهرهكان تهواو ئهبو روی ئهدا. بێبایهخ سهیری ئهو روداوانه ئهكرا و ههندێ جار ئهیان دایه پاڵ پاشماوهكانی رژێم, واته بهعسییهكان و ههندێ جار عهرهبی ناعیراقی, تا له پڕ زنجیرهیهك تهقینهوهی گهوره به ئوتوموبیل له چهند جێگای ههڵبژێردراو و بۆ چهند كهسی ههڵبژێردراو قهوما, دیسان ئهوهش درایهوه پاڵ پاشماوهكانی رژێم و تێڕۆڕیستی عهرهبی ناعیراقی. ئهگهرچی له عیراق مهجلیسی حوكم دامهزرا بو, مهجلیسی حوكم وهزارهت, لهوانه وهزارهتی كاروباری ناوخۆی, دامهزراند بو, بهڵام دابین كردنی ئاسایشی عیراق و لێكۆڵینهوه له تاوانه تێڕۆڕیستییهكان و گرتن و راونانی تۆڕهكانیان, كاری ئهمهریكییهكان بو. له بهر ئهوه وهزارهتی ناوخۆی عیراق و, مهجلیسی حوكم ئاگادارییهكی نهبو دهربارهی جێبهجێ كهرهكانی تاوانهكان, تهنانهت حیزبه سیاسییهكان و لایهنه بهشدارهكانی مهجلیسی حوكم, كه ئهبو تۆڕی رێكخستنیان له ههمو لایهك دا ههبوایه و, سهرچاوهی زانیاری زۆریان ههبوایه, ئهوانیش تفهنگیان به تاریكییهوه ئهنا و, بۆ خۆ پهڕاندنهوه یهكسهر بكهری تاوانهكانیان به پاشماوهكانی رژێم و تێڕۆڕیستانی بێگانه دیاری ئهكرد. بێ ئهوهی زانیارییهكی زیادتری بخهنه سهر. زۆر لهو كارانهی ئهكران یا كهس خۆی لێ نهئهكرد به خاوهنی, یان رێكخراوێكی نهبیستراو خۆی ئهكرد به خاوهنی. تا زهرقاوی هاته مهیدانهوه خۆی ئاشكرا كرد و, رێكخراوی "جهماعهتی تهوحید و جیهاد" ی راگهیاند و, ئۆباڵی ههندێ له كاره تێڕۆڕیستییه خوێناوییهكانی گرته ئهستۆ, لهوانه تهقاندنهوهی بارهگای نهتهوه یهكگرتوهكان و كوشتنی سێرجیۆ دۆمیلۆ نێردراوی تایبهتی نهتهوه یهكگرتوهكان, تهقاندنهوهی سهفارهتی ئوردونی, كوشتنی باقر حهكیم... زهرقاوی كێیه؟ هێشتا زۆر كهس و لایهن گومانیان له ههبونی زهرقاوی ههبو, پێیان وابو كهسایهتییهكی "وههمی" دروستكراوه ئهو كارانهی به پاڵ ئهدرێ. دوای گوێزانهوهی دهسهڵات زهرقاوی له سایته تایبهتییهكهی خۆیدا له ئینتهرنێت دا, به دهنگی خۆی ههڕهشهی كوشتنی له عهلاوی و وهزیرهكانی كرد و, به كردهوهش ههوڵی كوشتنی ههندێكیانی دا. رۆژی 17 ی 7 ی 2004 له بهغداد, له كاتێك دا وهزیری داد د مالیك دوهان حهسهن, بهڕێوه بو بهرهو بارهگای كارهكهی له وهزارهت, ئوتوموبیلێكی بۆمبدار به كاروانهكهیدا تهقیهوه. خۆی بهر نهكهوت بهڵام ههندێ له پاسهوانهكانی و چهند رێبوارێ كوژران و بریندار بون. پۆلیس و ئهمبولانس بۆ فریاكهوتنی لێقهوماوهكان گهیشتنه شوێنی روداوهكه كهچی ئوتوموبیلێكی تریش به وان دا تهقییهوه. ههمان رۆژ له مهحمودیهش, له بهردهم بنكهی "پاسهوانی نیشتمانی" دا ئوتوموبیلێكی بۆمبدار تهقیهوه چهندێكی كوشت و چهندێكی بریندار كرد. د مالیك دوهان حهسهن, وهزیری دادی عیراق, كه ئهبو ئاگاداری و بۆچونێكی تهواوی دهربارهی زهرقاوی و تۆڕه رێكخراوهكانی ههبێ, وتی: "ئهم زهرقاوییه له تهیری عهنقا ئهچێ!" ئهم قسانهی وهزیری داد, كه به یهكێ له كۆڵهكه سهرهكییهكانی حكومهتهكه دائهنرێ, گومانی له بونی زهرقاوی و دڕدۆنگی له ناو خهڵك دا دروست كرد: ناوی راستهقینهی زهرقاوی "احمد فضيل نزال الخلایلة" یه له دایكبوی 1965 ه. "خهلایله" تیرهیهكه له قهبیلهی "بهنی حهسهن" كه نیمچه بهدهوییه. له "حهی مهعصوم" ژیاوه و گهوره بوه. "حهی مهعصوم" له بنهڕهت دا شیشانییهكان ئاوایان كردۆتهوه دێیهكی پچوك و خانوهكانی له قوڕ دروست كراوه. به سهر چهمی "زهرقا" دا ئهڕوانێ كه دوای تێكهڵ بونی له گهڵ چهند چهمێكی تر ئهڕژێته "بهحری مهییت"هوه. "حهی مهعصوم" دوای شهڕی 1948 و 1967 بۆته شارێكی نارێكوپێك و تێكهڵ و پێكهڵ له فهلهستینی و ئوردونی و شیشانی و هاتوی میللهتانی تر. زهرقاوی له ژێر كارتێكردنی وتاره ئاگرینهكانی "شێخ عهبدوڵا عهززام" دا, كه دواتر له پیشاوهر ئوتوموبیلهكهیان پێدا تهقاندهوه, چۆته ئهفغانستان, بهڵام فریای جیهاد نهكهوتوه دژی روس چونكه كاتێ ئهم گهیشتۆته ئهوێ شهڕی دهسهڵات بوه له ناو ئهفغانییهكان خۆیان دا. لهوێ ئاشنا بوه به "بن لادن" و سهركردهكانی تری "القاعده". بهڵام بهیعهتی به بن لادن نهداوه. دوای روداوهكانی 11 ی سهپتهمبهری ئهمهریكا هاتۆته كوردستان. له كوردستان نهماوهتهوه له نێوان بهغداد و كوردستان دا هاتوچۆی كردوه. به پێی زانیارییهكانی قهلاب, "زهرقاوی راسته ههیه و زیندوه, نه له بۆردومانهكهی بنكهكانی ئهنصاری ئیسلام دا كوژراوه و نه قاچی بڕڕاوهتهوه, بهڵام توانا و شارهزایی لهو ئاستهدا نیه بتوانێ ئهو كارانه ئهنجام بدا كه ئیستا له عیراق دا ئهنجام ئهدرێن, بهڵكو داوودهزگای "موخابهرات" ی دهوڵهتانی تر ئهم كارانه ئهكهن و, به پاڵ ناوی ئهوی ئهدهن." له حهماس و تهوحید: عومهر بازیانی (ئیبراهیم عهبدولكهریم عهزیز), فوئاد, ئهبو قهتادهی ههولێری (دڵشاد محهمهد حهمید). له ئهندامانی بزوتنهوه: عهلی وهلی, ئاسۆ ههولێری (ئهسعهد محهمهد حهسهن), ئهبو وائیل (سهعدون مهحمود عانی). ئهوانه ههمو سهركرده ناسراوهكانی ئهوسای عهرهبی ئهفغانیان دیوه. له گهڵیان دانیشتون. گفتوگۆیان له گهڵ كردون. له "مهزافه" و ماڵهكانیان دا چهندین حهفته و چهندین شهو ماونهتهوه. لهوانه: ئهبو حهفهسی میسری, ئهیمهن زهواهیری, ئهبو موسعیبی سوری, ئهبو موسعیبی زهرقاوی, ئوسامه بن لادن. هێرشی ئهمهریكی هێرشی ئهمهریكی له عیراق دا بو به هۆی روخانی خێرای بێ بهرگری هێزه چهكدارهكانی صهدام و تێكچون و به جێ مانی ههمو بنكه و بارهگا و چهك و تفاقی جهنگییان, له كوردستانیش بو به هۆی تێكچونی بنكه و بارهگای ههمو هێزه دینییهكانی چهند ساڵ بو خهریكی قایم كردنی بون. زۆری چهكدارهكانی ئهنصاری ئیسلام چونه ئێران و كهمێكیان دزهیان كرد بۆ ناوچهكانی تری عیراق. زهرقاوی هاوبیروباوهڕه له گهڵ سهرانی "قاعیده". ئهگهر جیاوازییهكیان ههبوبێ رهنگه تاكتیكی و پچوك بێ و بگهڕێتهوه بۆ جیاوازی ههلومهرجی عیراق. زۆری باوهڕهكانی خۆی بێ شاردنهوه له سایتهكهی خۆیان دا رون كردۆتهوه. رهنگه گرنگترینی بهڵگه فیقهییهكانی ئهو نامهیه بێ كه بۆ بن لادن و سهرانی قاعیدهی نوسی بو دهربارهی ههلومهرجی عیراق و بیروبۆچونهكانی دهربارهی شێوهی كار كردنیان له عیراق دا. له نامهكهیدا پاساوی شهرعی ئههێنێتهوه بۆ ههڵگیرساندنی شهڕی ناوخۆ له نێوان سوننه و شیعهی عیراق دا. بۆ ئهوهی سوننه بهگشتی رابكێشێ بۆ شهڕی شیعه و شهڕی ئهمهریكا, نهك وهكو ئیستا شهڕهكه ههر به ههڵبژاردهی هێزهكانی بكا. دهربارهی ئامانجی لهم شهڕهی ئیستای له عیراق دا وتویهتی: "ئهگهر بنكهیهكمان نهبێ لێوهی بجوڵێین چۆن ئهتوانین رژیمهكانی وڵاتانی دهوروبهر ههڵبگێڕینهوه, بهیتهلمهقدهس رزگار بكهین..." دهربارهی كوشتارهكانی تهنانهت ئهگهر شێواندنی لاشهشی تێ بكهوێ دهلیلی شهرعی هێناوهتهوه كه خوا رێی پێ داون به ههمان شێوهی خۆیان بهرپهرچ بدرێنهوه: (فإن قتلوا نساؤنا نقتل نساؤهم...) له ئهیلولی 2004 دا زهرقاوی ناوی رێكخراوهكهیانی گۆڕی له جهماعهتی تهوحید و جیهادهوه بۆ رێكخراوی قاعیدهی جیهاد له وڵاتی رافیدهین "تنظیم قاعدة الجهاد فی بلاد الرافدین" و له ههمان كات دا "بهیعهت" یان به ئوسامه بن لادن كرد. زهرقاوی له سهرهتای دامهزراندنی جهماعهتهوه گوشاری زۆری هاوكار و هاوبیرهكانی له سهر بو كه بهیعهت به بن لادن بكهن, بهڵام خۆی لێ ئهبوارد. لهمدواییهدا كهئهمهی كرد ئهبێ چهند هۆیهكی ههبێ: یهكهمیان, ملی دابێ بۆ خواستی ئهندامانی رێكخراوهكهی. دوهمیان, رهنگه بهوه بیهوێ دوراییهكی جیهانی بدا به رێكخراوهكهی بۆ ئهوهی لایهنگرانی بن لادن له سهرانسهری دنیاوه بهدهنگیهوه بچن و لێی كۆببنهوه. كهڵك له لایهنگرانی بن لادن وهربگرێ وهكوسهرچاوهیهكی مرۆیی بۆ تۆڕهكانی رێكخستنهكهی. سهرچاوهی مرۆیی هێزهكانی تهوحید و جیهادی جاران و قاعیدهی جیهادی ئیستا له چهند لاوه هێزی تێ ئهڕژێ: شورای تهوحید و جیهادی جاران تێكهڵاو بو له عیراقی و عهرهبی ناعیراقی. فتوای "ههیئهتی شهرعی" خۆیان له سهرو فتوای ههمو رێكخراو و كهسایهتییه ئیسلامییهكانهوه دائهنێن. ئهوانه گوێ له شێخی ئهزههر و مورشیدی ئیخوانی موسلمین و ئهو جۆره دهزگا دینییانه ناگرن. تهنانهت گوێ به فتوا و وتارهكانی ههیئهتی عولهمای موسلمینیش نادهن. كهڵك له ههیئهتی عولهما وهرئهگرن وهكو دهڵاڵ له بهینی خۆیان و ههندێ له خاوهن بارمتهكان دا. له بارودۆخی ئیستادا له ناو ههمو ئهو رێكخراو و تۆڕه تێڕۆڕیستییانهی كار ئهكهن "جهماعهتی تهوحید و جیهاد" ی جاران و قاعیدهی جیهادی ئیستا له ناو سێگۆشهی سوننیدا له ههمویان چالاكترن له رفاندنی بارمته و كوشتن و تهقاندنهوهی ئوتوموبیلی بۆمبداردا. سهرچاوهی دارایییان "فدیه" له دهوڵهتان و كۆمپانیاكانی بێگانه كه بهردهوام خهڵكیان لێ ئهڕفێنن, ههروهها لهو عیراقییانهی له شاری بهغداد و شوێنهكانی تری عیراق ئهیانرَفێنن و به پاره به خاوهنهكانیان ئهفرۆشنهوه. واتهوات له ناو خۆیشیان دا ههیه كه موخابهراتی ههندێ له دهوڵهتانی دراوسێ درێخییان لێ ناكهن به پاره و به چهك. سهركردهكانی جهماعهتی تهوحید وجیهاد (ئهبو ئهنهسی شامی وهك نمونه) كهسوكاری له ئوردون ههواڵهكهیان سهلماند و له رۆژنامهكانی ئوردون دا پرسهنامهیهكیان بڵاو كردۆتهوه تێدا نوسیویانه: "خۆی شههید بونی ئهخواست و پێی گهیشت, لێی پیرۆز بێ... له پێناوی پاراستنی ئهرزی ئیسلام دا كوژراوه.." له ماڵی باوكی پرسهیان بۆ دانا داوایان له خهڵك كردوه "بچن شههید بونی لێ پیرۆز بكهن". باوكی شامی, یوسف جومعه 64 ساڵ, ههواڵی كوژرانی عومهری له جومعه بیستوه كه كوڕی گهورهیهتی و ئیستا له ئهمارات دائهنیشێ. "ئهبو ئهنهس شامی" ئهندامی شورای "جهماعهت و تهوحید" و یاریدهدهری یهكهمی زهرقاوی ناوی راستهقینهی "عومهر یوسف جومعه" یه, ساڵی 1969 له عهمان له دایك بوه, علومی شهرعی له جامیعهی ئیسلامی له مهدینهی منهوهره له سعودیه خوێندوه, ماوهیهك له گهل خێزانهكهی دا له كوهیت ژیاوه, ساڵی 1990 گهڕاوهتهوه بۆ ئوردون بۆته ئیمامی مزگهوتی "موراد" له ناوچهی "صویهلح" له رۆژئاوای عهمان. ئهو ناوچهیه مهڵبهندی ئیسلامییهكانه. شامی به پچڕپچڕی ماوهیهك له سعودیه كاری كردوه و, ساڵی 1995 له گهڵ "هیئة الاغاثه الاسلامیة" چۆته بۆسنه و ههرسهك بۆ تهدریس و دهعوه و, دوای گهڕانهوهی بۆ ئوردون بهشدار بوه له دامهزراندنی "مهركهزی بوخاری" دا. شامی ماوهیهك سهر به "ئیخوانی موسلمین" بوه له ئوردون و له ژێر كاریگهری "تهیاری سهلهفی ئیصلاحی سعودیدا" بوه. پێش چونی بۆ عیراق پێوهندی به هێزی ههبوه له گهڵ "عصام البرقاوی" دامهزرێنهری جهماعهتی "بیعة الامام". بهرقاوی به "ابی محمد المقدسی" ناسراوه. شامی دوای روخانی صهدام به ماوهیهك چوه بۆ عیراق. زهرقاوی پێویستییهكی زۆری ههبو به یهكێكی وهكو شامی كه شارهزای كاروباری فیقهی بێ. وتارهكانی و بهیانهكانی بۆ بنوسی و به بیانوی دینی و فیقهی بیڕازێنێتهوه, پاساوی شهرعی و فكری بۆ كارهكانی بهێنێتهوه. شامی به دهنگی خۆی چهندین وتاری له سایتهكانی ئینتهرنێت دا تۆمار كردوه. |
||
|
|
||
|
||||