|
|
|
||||||||||||
 |
 |
 |
||||||||||||
| 23:41:55 | Tuesday, September 07, 2010 |
PÎTÎ LATÎNÎ
|
پيتي
ئيسلامي
|
ههواڵ
|
|
|
|
|
|
| 2004-12-13 |
|
|
| . | ||
|
سهعات 11 ی بهیانی رۆژی 6 ی 12 ی 2004 تاقمێ چهكدار, له ناكاو پهلاماری كۆنسۆلگهی ئهمهریكییان دا له شاری "جهده" ی عهرهبستانی سعودی. ههندێكیان كوشت و 18 كهسیان به بارمته گرت. هێزێكی ئاسایشی سعودییش ههڵیان كوتایه سهر بینای كۆنسۆلگه و پهلاماردهرهكان. پاش 3 سهعات بهرهنگاری كۆتایییان به دهستدرێژییهكه هێنا. 3 له پهلاماردهرهكان كوژران و 2 یان به برینداری گیران. 5 كهس له فهرمانبهرانی كۆنسولگهكه و 2 بهڵێندهر كوژران, كهسیان ئهمهریكی نهبون. 2 كهسیش له هێزهكانی ئاسایش بریندار بون. ئهمه یهكهم جار نیه پهلاماری تێڕۆڕیستی له سعودیه رو بدات و ئهمه دوا جاریش نابێ. ئهگهرچی رژیمی سعودی و كاربهدهستهكانی خۆیان زۆر به موسوڵمان دائهنێن, بهڵام زۆری ئهمیرهكانی سعودیه له ژیانی تایبهتی خۆیان دا نمونهی ئهوپهڕی بهدڕهوشتی و پاره به فیڕۆ دان و گهندهڵی كارگێڕی و بهڕێوهبهرایهتی بون كهچی له بهر ئهوهی له دوژمنایهتی كۆمۆنیزم و بلۆكی رۆژههڵات دا له گهڵ بلۆكی رۆژئاوا هاوئاواز بون و, له دابین كردنی بهرژهوهندییه ستراتیجییه پهترۆلی و جهنگییهكانی ئهمهریكا و وڵاتانی سهرمایهداریدا بهشدار بون, چاوپۆشییان له ههمو خراپییهكانیان كردوه. بنهماڵهی سعود بۆ ئهوهی درێژه به دهسهڵاتی خۆیان بدهن ئیسلام و دینی ئیسلامیان كردۆته دهسكهلا: به ناوی بڵاوكردنهوهی ئیسلامهتییهوه سهدان مزگهوتیان له سهرانسهری دنیاد دروست كردوه و, مهلای توندڕهو و كۆنهپهرستیان تێدا جێگیر كردوه و, ههزاران ملیۆن دۆلاریان به ناوی زهكات و خێرهوه داوه به سهدان رێكخراوی دینیی توندڕهو. سعودیهكان بۆ ئهوهی "ئاگره سوره" ی تێڕۆڕ و پشێوی و نائارامی له ناو ماڵی خۆیان دور بخهنهوه, گهنجه توندڕهوهكانی خۆیان, كه له خوێندنگه و مزگهوتهكانی سعودیهدا, له سهر دهستی مهلا و شێخه توندڕهوهكانی خۆیان دا پهروهرده ئهكران, هان ئهدا بۆ "جیهاد" بچن بۆ ئهفغانستان, شیشان, كۆسۆڤۆ, سربیا, روسیا و, جمهوریهته ئیسلامییهكانی یهكێتی سۆڤیتی جاران. دهزگای موخابهراتی سعودی هاتوچۆی ئهم "موجاهیدانهی" رێك ئهخست و, موچهی مانگانهی ئهدانێ و, كه ئهكوژران موچهیان بۆ كهسوكارهكانیان ئهبڕییهوه. رێككهوتنێكی ژێرزارهكی له نێوان ئهم تاقمه تێڕۆڕیستانه دا, به تایبهتی له نێوان رێكخراوی قاعیدهی بن لادن و سعودیهدا گرێ درا بو, بهرامبهر بهوهی بن لادن و لایهنگرهكانی ئاسایشی سعودیه نهشێونن, سعودیهش چاوپۆشی له جموجوڵی ئهوان بكا. سعودیه سهرهڕای ئهوهی بو بو به گهورهترین لهوهڕگای پێگهیاندنی تێڕۆڕیستهكانی دنیا, له ههمان كات دا بوبو به سهرچاوهی ئایدیۆلۆجی و دارایی زۆری ههمو تاقم و رێكخراو و رێبازه ئیسلامییه بنچینهوانه توندڕهوهكانی سهرانسهری جیهان. ئهمهریكاش چاوپۆشی لێ ئهكردن به تایبهتی كه یهكێ له هێزه كاریگهرهكانی به گژا چونی كۆمۆنیزم و یهكێتی سۆڤێت بون, تا ئاگرهكه له 11 ی ئهیلولی 2002 دا گهیشته ناو ئهمهریكا خۆی. 19 كهس لهو 24 خۆكوژهی پهلامارهكانی ناو ئهمهریكایان جێبهجێ كرد هاووڵاتی سعودی بون و له سعودیه پهروهردهی دینی كرابون. ئهم روداوه ئهمهریكای ههژاند. قۆناغێكی نوێ له ژیانی ئهمهریكادا دهستی پێ كرد كه خۆی ناوی ناوه "جهنگ دژی تێڕۆڕ" و, یهكێ له سهرچاوه سهرهكییهكانی عهرهبستانی سعودیه بو كه ئۆباڵی سهرهكی له ئهستۆدایه سهبارهت به پهروهردهكردن و پێگهیاندنی تێڕۆڕیستهكانی سهرانسهری دنیا. ئهمهریكا گوشاری بۆ سعودیه هێنا. ئهمیرهكانی سعودیه بۆ ئهوهی ماڵ و حاڵیان لێ تێك نهچێ, له باتی ئهوهی له روی ئهمهریكادا بوهستن ملیان بۆ كهچ كرد و سهریان بۆ دانهواند و, كهوتنه جێبهجێ كردنی داواكانی. بۆ هاوكاری ئهمهریكا كهوتنه خۆیان و زنجیرهیهك ئاڵوگۆڕی بنهڕهتییان ئهنجام دا: مهلا و شێخهكانیان پۆلێن كرد, داوایان لێ كردن زمانیان بگۆڕن و ههندێكیان ناچار كردن له فتوا و وتاره ئاگرینهكانیان پهشیمان ببنهوه. كهوتنه راونانی لایهنگرهكانی بن لادن و قاعیده, ههندێكیان گرتن و ههندێكیان كوشتن, ئهوانهیشیان كه نهگیران زۆریان ههڵاتن بۆ عیراق و بهشێكیشیان به نهێنی كهوتنه جموجوڵ. ئهو رێككهوتنه ژێرزارهكییهی, له نێوان قاعیده و سعودیهدا, ههبو ههڵوهشایهوه. قاعیده و لایهنگرهكانی له ناو سعودیهش دا كهوتنه جموجوڵ. تا ئیستا چهند پهلاماریان ئهنجام داوه كه ئهمه یهكێكیانه. ئهوانهی مهلا توندڕهوهكان پهروهردهیان كرد بون بۆ شێواندنی ئاسایشی دهرهوهی مهملهكهت, ئیستا خهریكن ئاسایشی ناو مهملهكهتی ئهمیرهكانی ئالی سعود ئهشێوێنن. ئهوهی سهرنج رائهكێشێ ئهوهیه تا ئیستاش تێڕۆڕیستهكانی سعودیه توخنی ئالی سعود و داوودهزگا سعودییهكان نهكهوتون, هێشتا دهوروخولی ئهمهریكی و داوودهزگای ئهمهریكی و بێگانه ئهدهن. پهندێكی عهرهبی ئهڵێ: "ئهوهی رهشهبا بچێنێ گهردهلول ئهدروێتهوه." |
||
|
|
||
|
||||