|
|
|
||||||||||||
 |
 |
 |
||||||||||||
| 03:18:11 | Sunday, September 05, 2010 |
PÎTÎ LATÎNÎ
|
پيتي
ئيسلامي
|
ههواڵ
|
|
|
|
|
| 2005-05-18 |
|
| . | |
|
لهم عیراقهدا، كه ههندێ به موزاییك و، ههندێ به چهپكهگوڵ و، زانای عیراقی بواری زانستی جوگرافی د شاكیر خهسباك، به "مهتحهفی ئهجناس" ناوی ئهبا، ئهوهنده كێشهی رهگهزیی، نهتهوهیی، دینیی، مهزهبیی، جۆراوجۆری تێدایه، كۆكردنهوهیان، بۆ ئهوهی به ئاشتی و تهبایی و دڵنیایی و رازی بونهوه، له چوارچێوهی یهك دهوڵهتدا پێكهوه بژین، كارێكه ههتا بڵێی سهخت و دژوار و ئاڵۆزه. زۆر لهوانهی باسی حامورابی و سۆمهر و ئهكهد و بابل و، عیراقی ئهرزی 7 ههزار ساڵ شارستانی ئهكهن و، باسی یهكێتی و ژنوژنخوازی نێوان كورد و عهرهب و توركمان و كلدۆئاشوری و سوننه و شیعه و مهندائی و یهزیدی... ئهكهن، له ناخی دڵی خۆیاندا، گاڵتهیان به قسهكانی خۆیان دێ، ئهگهر خۆیشیان ئهو خۆههڵكێشانهیان له ئهنجامی پهروهردهكردنی ناڕاستی عهرهبیدا، لێ بوبێ به راست، ئهوا ئهوانهی گوێیان لهو قسانه ئهبێ، فشهیان پێی دێ. ههڵبژاردنهكانی ئهمجاره پهیكهری لهشی گهلی عیراقی به روتوقوتی خسته بهرچاوی دنیا. ریزبهستنی خهڵكی عیراق بۆ دهنگدان: عیراقی قۆناغی ئیستا، كه دهستوری ههمیشهیی تێدا ئهنوسرێتهوه، له بهردهم دوڕییانێكی مێژویی دایه: بهلاداخستنی كێشه چارهنوسسازهكان به دهنگدانی زۆرایهتی و كهمایهتی له ناو كۆمهڵهی نیشتمانیی عیراقیدا، له كاتێكدا نوێنهرانی لیستی شیعهی عهرهب زۆرایهتی كۆمهڵهكهن و، نوێنهرانی لیستهكانی سوننهی عهرهب، كورد، توركمان، مهسیحی، عهلمانییهكان.. كهمایهتی پێك ئههێنن، جۆرێ له ناهاوسهنگی له نوسینهوهی دهستوردا دروست ئهكا، كه ئهگهر دهستورهكه به زۆرایهتی دهنگی شیعه له كۆمهڵهی نیشتمانیی عیراقیشدا تێ بپهڕێ، له ریفراندۆمدا بێگومان رهت ئهكرێتهوه. ئهوسا عیراق ئهباتهوه بهردهم دوبارهكردنهوهی ههڵبژاردن بۆ كۆمهڵهیهكی نیشتمانی كه سهرلهنوێ رهشنوسی دهستوری ههمیشهیی بنوسێتهوه. بۆ ئهوهی ئهوه رو نهدا، نوسهرانی دهستور، ئهبێ پهنا بهرنهوه بهر پێڕهوی سهرهتای سازان (تهوافوق). ئهو سهرهتایهی كه نهئههێڵێ هیچ لایهك ههمو داواكانی بهدهس بهێنێ و نهئههێڵێ هیچ لایهك هیچ له داواكانی دهس نهكهوێ! |
|
|
|
|
|
||||